Mwen ta renmen wè!

Sa vrèman fou! poum wè kòman Ayisyen renmen foot-ball anpil, men mwen te toujou konnen yo pa renmen lapli mouye yo menm! menm! 

Mwen te gen chans patisipe nan yon gwo match kote te gen  (Baltimore VS Tempête) ki tap jwe nan Vil Saint-Marc (Parc levelt), anpil moun te fè deplasman pou vin swiv; Timoun tankou granmoun, yo tap amize yo nan sa ke yo renmen. Anpil lapli te vin ap tonbe nan dezyèm mitan match la. Mwen te sezi paske moun yo te rete la, yo t’ap motive jwè yo, yo t’ap chofe, ou te mèt nan yon distans ki trè lwen ak tèren an ou tap tande moun yo kap chofe e ou patap pa anvi vini tou. Yo pat pè anyen paske yo te la pou yon bagay ke yo renmen anpil…



​Se konsa mwen ta renmen wè pèp sa devwe pou BonDye, pou yap chofe paske yo renmen BonDye e pou lòt moun ki deyò a tande pou yo gen anvi vini goute, pou yo kwè ke BonDye se li ki chanpyon nou nan nenpòt sa nap fè. Mwen ta renmen wè se BonDye nou kite kap klrere tèren lavi nou menm jan nou fè gwo limyè sa yo ki sou tèren an konfyans poun ka konnen kote nou prale fè gòl oubyen kote nap met pye nou lè nap mache… 







​

---

Louis Roosevelt

Louis Fè staff nan YWAM Port De Paix.